प्रमिला म्हणे...

जरी मी पत्रकार असली तरी आहे तर सामान्य नागरिकच ना...आता पत्रकार आहे म्हटल्यावर प्रश्न पडणं हे सहाजिकच आहे. दररोजचं जीवन जगताना आजुबाजूला काही ना काही घडतचं असतं. काही घटना मनाला पटण्याजोग्या असतात..तर काही मनात विचारांचे काहूर माजवतात...हे विचारांचे काहूर वाचनीय असतीलच असे नाही....पण ते व्यक्त होणे गरजेचे...नाही का? म्हणूनच म्हणतेय...प्रमिला म्हणे...

Sunday, 10 September 2017

आज पुन्हा तुला काही तरी सांगावसं वाटतंय...

आज पुन्हा तुला काही तरी सांगावसं वाटतंय...
राहून गेलेल्या त्या क्षणांना पुन्हा भिजावसं वाटतंय...

निरूत्तर राहीलेल्या तुझ्या डोळ्यांना प्रश्न विचारावसं वाटतंय
उगाच उथळ सगळं काही.. बेभरवशाचं सारं, निरर्थक सगळं काही..

तरीही डोळे गच्च बंद करून भरवसा ठेवावंसं वाटतंय...
आज त्याच नजरेवर अबोल शब्द कोरावेसं वाटतंय

आज पुन्हा एकदा राहून राहून...
माझं मलाच चिडवावसं वाटतंय..

आज पुन्हा तुला काही तरी सांगावसं वाटतंय...

तुझीच...
प्रमिला !!!

No comments:

Subscribe to: Post Comments (Atom)